طريقة عمل كحك العيد 2017
اليوم راح اقدم لكم طريقة عمل كعك العيد بأبسط الطرق
كعك العيد الناعم
الحشو
طريقة عمل العجمية أول حاجة هنقلب الدقيق مع السمنة على النار بشرط ان الدقيق لونه ميبقاش غامق اشقر بس وبعد كده ننزل عليهم ب*** النحل ونقلبهم كلهم مع بعض ونسيبهم يغلو على النار، هنلاقى الخليط تقل وبدأ لونه يغمق وابتدا يعقد يعنى يكون ليه قوام، وكل ماسبناه أكتر كل ماتقل اكتر يعنى انتى حسب مابتحبى قوامه قبل مانطفى نضيف المكسرات المجروشة نقلبهم مع بعض ونطفى النار ونسيبها تبرد عشان نعرف نشكلها. طريقة عمل كعك العيد الناعم هنجيب بولا كبيرة نحط فيها الدقيق ونحط عليه المكونات الجافة (البيكنج بودر وريحة الكحك والسكر) ونقلبهم ونحط السمسم ونقلبهم كويس ونعمل حفرة فى النص وننزل على الدقيق بالسمنة السايحة بس خلى بالكم السمنة لازم تكون دافيه مش مغلية عشان لو سخنة البيكنج بودر هيفسد ومش هينشط العجينة ونقلبها كويس أوى بايدينا وبعد كده ننزل عليهم باللبن الدافى بالتدريج، نعجن كويس نبدأ نكور العجينة كور فى الحجم اللى احنا عايزينه ونجهز العجمية ونكورها كور صغيرة وناخد كورة عجينة ونعمل فيها حفرة فى النص نحط فيها كورة عجمية من اللى احنا عملناهم ونقفل عليها الاطراف كويس اوى عشان العجمية متطلعش منها اثناء الخبز، نحضر الاشكال اللى هنشكل بيها الكحك او القوالب المخصوصه للكحك (المناقيش) ونبدأ نرص الكحك فى الصوانى، وطبعا لازم الصوانى تكون مدهونة لو مش تيفال اخبزيه على حرارة 180 فى الفرن لغاية ماستوى والوش بقى لونه دهبى، ولما يبرد رشيه بالسكر بودرة وبالف هنا ليكم. في النهاية لا يسعنا الا ان نشكركم علي سعة صدركم ونتمني أن تكون طريقة عمل كعك العيد الناعم عجبت الجميع بإذن الله وكل عام وأنتم بخير، |
الساعة الآن 06:04 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir