لماذا حجبت جوجل نموذجها الأقوى جيميناي 4 أرجون عن الجمهور مؤقتًا؟

[Abo-Karim]

عشان نفهم الحكابة تعالو بينا نشرح وحده وحده وليه جوجل عملت كده بص ياسيدى شركة جوجل عملت موديل ذكاء اصطناعي جديد وقوي جداً اسمه "جيميناي 4 أرغون" (Gemini 4 Argon). بس بدال ما تنزله للناس كلها تستخدمه عادي، قررت تقفل عليه وما تطلعوش للجمهور دلوقتي.

ليه غوغل عملت كده؟
خايفين من الهاكرز: الموديل ده شاطر جداً في البرمجة والأمن السيبراني، وبيكتشف الثغرات بسهولة. لو وقع في إيد قراصنة الإنترنت، ممكن يستغلوه عشان يخترقوا بنوك، مستشفيات، أو مؤسسات حكومية.
التجربة الأول للخبراء: غوغل قررت تديه بس لمجموعة من الخبراء بتوع الأمن السيبراني وللحكومة الأمريكية عشان يجربوه، يفحصوه، ويشوفوا لو فيه أي مخاطر قبل ما ينزل للجمهور.

هل ده طبيعي ولا غوغل بس اللي بتعمل كده؟
الموضوع ده شغال في السوق كله؛ شركة تانية منافسة اسمها "أنثروبيك" عملت نفس الحركة مع موديلها القوي "كلود ميثوس بريفيو" وادت نسخته لمنظمات محدودة وموثوقة بس.
الشركات بتمشي على الاتجاه ده لأن الحكومة الأمريكية والبيت الأبيض (برئاسة دونالد ترامب) اجتمعوا مع رؤساء شركات التكنولوجيا وخلوهم يوقعوا اتفافية يلتزموا فيها بإنهم يراقبوا خطورة الذكاء الاصطناعي وما ينزلوش حاجة تسوي بلاوي.

الخلاصة:
غوغل عملت "غول" جديد في الذكاء الاصطناعي بيعرف يحلل برامج ويطلع ثغرات، وبدل ما تفتحه للكل والهاكرز يستغلوه في الأذى، حبسته شوية وبتخلّي الخبراء ينكشوا فيه ويأمنوه الأول.

 

[طيور الظلام]

هى الناس دى عايزه مننا ايه
أنا بدءت اخاف من بكره