مساحة اعلانية



الركن العام للمواضيع العامة يمنع منعاً باتاً كتابة أي مواضيع هابطه أو ترفيهيه أو التشهير بأي موقع أو صاحبه أو ذكر نوع من أنواع الإختراقات
احصائياتى

الردود
0

المشاهدات
82
~ GOOGLE ~
.:: عضو مبدع ::.
  • ~ GOOGLE ~ is just really nice~ GOOGLE ~ is just really nice~ GOOGLE ~ is just really nice~ GOOGLE ~ is just really nice~ GOOGLE ~ is just really nice

  • ~ GOOGLE ~ غير متواجد حالياً

المشاركات
446

+التقييم
91

تاريخ التسجيل
Nov 2015

الاقامة
فلسطين

نظام التشغيل
windows 8.1

رقم العضوية
611
05-10-2017, 12:45 AM
المشاركة 1
05-10-2017, 12:45 AM
المشاركة 1
افتراضي امثال فلسطينية شعبيه بترفع راس
إبحش جبل بمسمار ولا تفهّم حمار ..
امثال فلسطينية شعبيه بترفع راس

أبّع أبّع منشي
نوع من القسم في القرى لابعاد الشرّ . مثال: شخص يدعو الله ان ينتقم من فلان. فيستدرك اخر بالقول: أبع أبع منشي / لحتى الدعاء لا يستجاب. ويضاف احيانا: فال الله ولا فالك.. الخ

ابعد عن الشر وغنيلو

أبعدلك أسعدلك ..
مثلا في موضوع النسب يقال إبعد عن القرايب . مثال آخر : شخص يرحل او ينقل مكان سكناه بعيدا عن العائلة او القرايب من باب : أبعدلك أسعدلك. عشان الحياة مع العائلة والقرايب كلها احتكاك وتنافس وغيرة وحسد ومخاصمات عائلية على أتفه الاسباب.. الخ

ابن العم بنزّل بنت عمو عن الفرس .
. وفي رواية : إللي بتحراها ابن عمها بتحرم على الغريب
مثل شعبي معروف سياقه تفضيل نسب القرايب واولاد العم من باب انهم بعرفو بعض ويألفو بعض ومن باب انه الميراث يبقى داخل العائلة ومن باب انه العمّ بمون على اولاد اخوته مثل اولاده ومن باب تقليل الاحتكاك والمخاصمات بين الحماة والكنة لانهن في هاي الحالة بكونو عايشات مع بعض.. الخ

ابن الحرام تزقوش بقع لحالو
ابن الحرام دايما بقع لحالو .. المثل يحث انك ما توسخ ايديك في مواجهة مباشرة مع اولاد الحرام لانه راح تيجي الفرصة انهم يقعو لحالهم بسبب انه كل حياتهم غلط بغلط وكل ممشاهم يجلب عليهم الخطر والعداوة والانتقام ولهيك راح يوقعو لحالهم لا محالة ..

ابن الحلال عند ذكره ببان
ابن الحلال لما تجيب سيرته ببيّن... وابن الحلال لما تجيب سيرته بيجي
هيك معتقد شعبي.. يقال لما تمدح شخص او تذكره بالخير او مجرد انك جايب سيرته وفجأة بيجي.
طازة من الفرن امثال فلسطينية شعبيه بترفع راس
ابن بطني بفهم رطني
ويقال: ما بفهم رطني الا ابن بطني .. يعني الولد مثلا دايما بفهم شو أمو بترطن ، شو ما هردشت يعني خربطت بالحكي بفهم عليها .. كمان الام طبعا بتفهم على ابنها شو برطُن يعني شو بحكي حتى لو انو حكيو بفهّمش او مش واضح..
ويقال عن أصدقاء مقربين او قرايب او معلم وطالب او طبيب ومريض او كل شخص يفهم رطن شخص اخر مقرب منه.

ابو زيد خالك ..
مثال: مجرد انك تتحمل تعيش في وضع صعب بكون ابو زيد خالك..
او مثلا: اذا بتقدر تحصّل من فلان اشي، ابو زيد خالك!
او اذا بتقدر تحصل على الوظيفة الفلانية او تحقق الهدف الفلاني , ابو زيد خالك..
والمقصود ابو زيد الهلالي البطل الاسطوري المعروف. هناك قصة مع ابن اخته متوفرة على الشبكة. منها جائت مقولة ابو زيد خالك على اساس انه ابو زيد بكون خال ابن اخته !!

ابو قزمة وابو فاس تقاتلو ع مال الناس ..
وفي رواية : ابو حديدة وابو فاس تقاتلو ع مال الناس .. يعني اثنين طابشين روسهم وحارقين اعصابهم ومضيعين وقتهم على اشي مش الهم .. او اشي مالهمش فيه .. او على النميمة والمغيبة ومشاكل غيرهم.
والقزمة والفاس من عدة الفلاح ومنها جائت الألقاب.

ابو عين حمرا ..
يقال عن شخص عينيه بقادحن من الغضب وبصير لونهم احمر . مثلا اب او أخ كبير يهابه أخوته. فيقال من باب ترهيب الاولاد: هسا بيجي ابو عين حمرا ..!

أبو واحد بطعم عشرين ولد. لكن عشرين ولد بطعموش أب واحد ..
هيك حال الحياة. أب واحد يعيل عشرة او عشرين ولد , لكن لما بهرم وبشيخ وبحتاج اولاده بكون الوضع غير لانه اولاده بكونو في الغالب صارو مشغولين باولادهم. وعموما الولاد مش بالزبط قلبهم على ابوهم وامهم. كما يقال: قلبي على ابني وقلب ابني على حجر ..

من حقي ذكر المصدر : http://www.usp0.com/vb/showthread.php?p=74696

اضافة رد

العلامات المرجعية

امثال فلسطينية شعبيه بترفع راس


أدوات الموضوع

الانتقال السريع

المواضيع المتشابهه للموضوع: امثال فلسطينية شعبيه بترفع راس
الموضوع كاتب الموضوع المنتدى مشاركات آخر مشاركة
الطريقة الصحيحة لحذف هاك vbseo وتحويل الروابط مع الحفاظ التام على الأرشفة في جوجل abo-karim ركن تطوير منتديات vb3.8.0 2 05-26-2017 12:23 AM
أمثال فلسطينية ~ GOOGLE ~ الركن الترفيهى 0 10-12-2016 05:05 PM
صور رمزية بنكهه فلسطينية ، علم فلسطين ~ GOOGLE ~ ركن تطوير منتديات vb3.8.0 3 12-25-2015 10:56 PM
حذفت vbseo حويل الروابط مع الحفاظ التام على الأرشفة FSJES AGADIR ركن مشاكل وطلبات المنتديات 6 09-26-2015 01:47 AM





الساعة الآن 12:14 PM