تعرف على أهداف قسم دليل الشركات والعلامات التجارية

[Abo-Karim]

السوال: ليه عملنا قسم جديد اسمه دليل الشركات والعلامات التجارية؟​

الحكاية بدءت من عندى فكل ما احتاج اشتري حاجة ابحث عن اصلها وفصلها , وسعر المنتجات , وهل الشركة كويس, , طب وهل المنتج يستحق الشراء فعلًا, طب منين اجبها وحد جربها طب الضمان كويس وكم سنه , طب توافر قطع الغيار ............... اسئلة كتيره جدا كانت فى راسى ومن هنا جاءت فكرة إنشاء قسم جديد مخصص لدليل الشركات والعلامات التجارية. حتى نواكب مايدار حولنا. والفكرة ببساطة ياساده إننا عايزين نوفر معلومات تساعد أي شخص قبل ما يشتري منتج، بحيث يعرف أكتر عن الشركة والعلامة التجارية والمنتج نفسه، بدل ما يكون قرار الشراء مبني فقط على إعلان أو ترشيح من شخص آخر.

إيه المعلومات اللي هتلاقيها في القسم؟​

عند البحث عن أي شركة أو علامة تجارية، هنحاول نوفر أهم المعلومات عنها، مثل:

• الشركة أصلها منين؟
• اتأسست إمتى؟
• بتقدم إيه من المنتجات؟
• إيه المنتجات المشهورة بيها؟
• مستوى جودة منتجاتها إيه؟
• أسعار منتجاتها في حدود كام؟
• مدة الضمان قد إيه؟
• هل فيه مراكز صيانة وقطع غيار؟
• فين أماكن بيع منتجاتها؟
• وإيه أهم الحاجات اللي لازم تعرفها قبل الشراء؟

ليه المعلومات دي مهمة؟​

بطبع السعر مش هو العامل الوحيد في اختيار أي منتج يعنى ممكن تلاقي منتجين بيقدموا نفس الاستخدام تقريبًا، لكن فيه اختلاف في الجودة، والمواصفات، والتكنولوجيا المستخدمة، والضمان، وخدمة ما بعد البيع، وتوفر قطع الغيار. وعشان كده، قبل ما تدفع فلوسك، مهم تعرف إنت بتشتري إيه ومن مين.

لحطة من فضلك احنا هنا مش هنقولك تشتري إيه​

لو مفكر ان القسم تم انشاءه عشان يقولك تشترى منين تبقى غلطان جدا انما هدف القسم هو تجميع المعلومات المهمة في مكان واحد عشان تقدر تقارن بنفسك وتختار المنتج اللي يناسب احتياجاتك وميزانيتك. بدل ما تضطر تدور في مواقع وصفحات كتير عشان تعرف بلد المنشأ أو السعر أو الضمان أو مواصفات المنتج، هنحاول نوفر أهم المعلومات بشكل بسيط ومنظم.

دليل للشركات والعلامات التجارية​

القسم هيضم معلومات عن أكبر عدد ممكن من الشركات والعلامات التجارية الموجودة في الأسواق العربية، سواء في الأجهزة المنزلية أو الإلكترونيات أو الأدوات المنزلية أو غيرها من المنتجات.

وكل شركة هيكون لها دليل خاص يساعدك تتعرف عليها، وعلى تاريخها، ومنتجاتها، وأسعارها، والضمان، وخدمة ما بعد البيع، وأهم المعلومات اللي ممكن تحتاجها قبل الشراء.

نصيحة قبل ما تشتري... من باب ما خااااااااااااب من استشار​

إحنا مؤمنين إن المعلومة الصحيحة قبل الشراء ممكن توفر وقت وفلوس وتساعد في تجنب اختيارات غير مناسبة. وعشان كده عملنا القسم ده ليكون دليل بسيط وسهل لكل شخص عايز يعرف أكتر عن شركة أو علامة تجارية أو منتج قبل ما ياخد قرار الشراء. وما خااااااااااااب من استشار اسأل، قارن، اعرف التفاصيل... وبعدها اختار اللي يناسبك.

اخوكم ابو كريم​